لـــو تزايــد غيهب الظلم يــا العقد الثمين ... تُعقب العُسرى بيُسرى وينزاح الظــلام
اصبري والله وَعَــد بالـــفرج للــصابرين ... وان وعــد لا بُــد يــوفي وعوده بالتمام
تحمــل ارحــام الليالي وتنجب حــاسدين ... بس هــذا اكبر دليـــل ان لك قـــدر ومقام
لا غرابــه لو تطــاول عليـــك المفتــرين ... الـــوسيلة منهــج الــخبث .. والغاية حرام
والكـــذوب اللـــي يلمّع وجــوه الكاذبين ... يمتحنــّا لـــــو نقـــــل له على الدنيا السلام
يشــهد الله عــالم اللي خفي واللــي يبين ... انك اغلــــى مـــا تملكت مـــن دنيا الحطام
بينـــي وبينك حـــكاية هَيَامـــــى مُغرمين ... مـــا احـــد ٍ منّا اشتكى جــور تعذيب الغرام
مـــا تشكِّل حبنـــا لا ظـــروف ولا سنين ... مـن غلاك انسج حروفك على صدري وسـام
اطلــبي دمّــي .ودمّـــي فداك وتكرمين ... وان تبيــن اوقــــات عــمري تعذَّرت الــمنام
اطلــــبي مالي ويرخص لك الغالي الثمين .. اطلبي شعري .. وشـــعري لك الــحد الحسام
ازرعينــي غصـــة ٍ في حلــوق الشامتين ... واحصـديني مـــد بــركان يجعلـــهم ركــــام
اطلبي . استـــــــغفر الله ... فانت ِ تآمرين ... جعل روح اللـــي تغلــــّى علــى مثلك عدام
آآآآآه يــا مــا وسط قلبي من الغيض الدفين ... يــا مُروْجْة الحكـايا .. وبيّاعي الـــكلام